اسلام آباد: فلڈ فور کاسٹنگ ڈویژن نے ملک کے بڑے دریاؤں کے بالائی علاقوں میں 31 اگست سے شدید بارش کا امکان ظاہر کر دیا۔
فلڈ فورکاسٹنگ ڈویژن کے مطابق 29 اگست سے ملک کے بڑے دریاؤں کے بالائی علاقوں میں بارش جبکہ 31 اگست سے شدید بارش متوقع ہے۔
فلڈ فور کاسٹنگ ڈویژن کا بتانا ہے کہ دریا ستلج اور راوی میں اونچے درجے سے انتہائی اونچے درجے جبکہ راوی اور چناب کےندی نالوں میں 24گھنٹوں کے دوران اونچے درجے سے بھی زیادہ اونچے درجے کا سیلاب متوقع ہے۔
فلڈفور کاسٹنگ ڈویژن کے مطابق چناب میں ہیڈ تریموں کے مقام پر 29 اگست کی شام انتہائی اونچے درجے، پنجند کے مقام پر 2 ستمبر کو بہت اونچے درجے کا سیلاب متوقع ہے۔
مزید برآں دریائےسندھ میں گدو اورسکھر پر 4 سے 5 ستمبر تک اونچے درجے کا سیلاب متوقع ہے۔
Leave a Reply