بھارتی میڈیا رپورٹ میں انکشاف کیا گیا ہے کہ بالی وڈ کی سینئر اداکارہ ہیما مالنی بگ بی اسٹار امیتابھ بچن کے اکلوتے صاحبزادے ابھیشیک بچن کو داماد بنانے کی خواہشمند تھیں۔
چند ماہ قبل بالی وڈ ہدایتکار کرن جوہر نے اداکارہ ایشا دیول سے ایک انٹرویو کے دوران سوال کیا کہ آپ کی والدہ ہیما مالنی نے آپ کو بتایا تھا کہ وہ ابھیشیک بچن کو اپنا داماد بنانے کی خواہشمند ہیں؟ آپ نے ان کی خواہش پر کیا کہا تھا؟
کرن جوہر کے سوال پر ایشا دیول نے کہا کہ میری والدہ بے حد سویٹ ہیں، انہوں نے میرے سامنے اس لیے ابھیشیک بچن کا نام رکھا کیوں کہ وہ اس وقت سب سے اہل بیچلر تھے، والدہ چاہتی تھیں کہ میں کسی اچھے انسان سے شادی کرلوں اور انہیں ابھیشیک میرے لیے بہترین لگ رہے تھے لیکن میں ابھیشیک سے شادی نہیں کرنا چاہتی تھی، میرے لیے ابھیشیک بڑے بھائی کی طرح تھے لہٰذا میں نے والدہ سے معذرت کرلی۔
کرن نے ایشا سے سوال کیا کہ اس کے بعد خبریں سامنے آئی تھیں کہ ہیما مالنی نے آپ کے سامنے شادی کیلئے وویک اوبرائے کا نام بھی رکھا تھا ؟ کرن کے سوال پر ایشا نے صاف انکار کرتے ہوئے کہا کہ ماں بہت کچھ سوچ سکتی ہیں لیکن یقینی طور پر وویک نہیں کیوں کہ وہ میری ٹائپ کے نہیں۔
واضح رہے کہ ایشا دیول نے بھرت تختانی سے 2012 میں شادی کی تھی، جوڑے کے ہاں 2017 میں پہلی اور 2019 میں دوسری بیٹی کی پیدائش ہوئی تھی۔
بعد ازاں 2024 میں ایشا دیول اوربھرت تختانی نے شادی کے 12 سال بعد ایک دوسرے سے راہیں جدا کرلی تھیں۔
Leave a Reply