پاکستان کسٹمز نے علیحدہ علیحدہ کارروائیوں میں مجموعی طور پر 17کروڑ روپے مالیت کی سملگ شدہ اشیا ضبط کر لیں۔
فیڈرل بورڈ آف ریونیو (ایف بی آر) کی جانب سے جاری کردہ اعلامیے کے مطابق کسٹمز انفورسمنٹ کراچی نے ٹول پلازہ کے قریب خفیہ اطلاع پر کارروائی کرتے ہوئے 564 اعلیٰ معیار کے اسمگل شدہ موبائل فونز اور ایک ٹیمپرڈ لینڈ کروزر ضبط کرلی جن کی مجموعی مالیت 9 کروڑ 60 لاکھ روپے ہے۔
ایف بی آر کے مطابق گاڑی کے اندر خصوصی طور پر تیار کیے گئے 5 خفیہ خانوں کی نشاندہی ہوئی جن میں مختلف برانڈز کے 564 موبائل فونز چھپائے گئے تھے جن کی مالیت 6 کروڑ 40 لاکھ روپے ہے، بعد ازاں فارنزک رپورٹ سے بھی تصدیق ہوئی کہ تقریباً 3 کروڑ 20 لاکھ روپے مالیت کی یہ گاڑی بھی ٹیمپرڈ اور نان ڈیوٹی پیڈ ہے۔
ایف بی آر کے مطابق دوسری کارروائی میں ڈیرہ اسماعیل خان میں 3 ٹرکوں سے 12 ہزار 200 کلو گرام چھالیہ، 4 ہزار 21 سلیوز غیر ملکی سگریٹس اور 170 ٹائرز برآمد کیے گئے ۔
Leave a Reply