پاکستان ٹیلی کمیونیکیشن اتھارٹی (پی ٹی اے) کے چیئرمین میجر جنرل (ر) حفیظ الرحمان نے عہدے سے ہٹائے جانے پر اسلام آباد ہائیکورٹ میں انٹرا کورٹ اپیل دائر کردی۔
چیئرمین پی ٹی اے نے انٹرکورٹ اپیل کے ساتھ عہدے سے ہٹانے کا سنگل بینچ کا آرڈر معطل کرنے کی متفرق درخواست بھی دائر کی ہے۔
انٹراکورٹ اپیل میں کہا گیا ہے کہ چیئرمین پی ٹی اے کو پہلے 24 مئی 2023 کوممبر پی ٹی اے اور25 مئی 2023 کو چیئرمین پی ٹی اے تعینات کیا گیا، چیئرمین پی ٹی اے میجر جنرل ریٹائرڈ حفیظ الرحمان قوانین اور ضوابط کے مطابق اپنے کام انجام دے رہے ہیں۔
چیئرمین پی ٹی اے نے عدالت سے انٹراکورٹ اپیل فوری سماعت کیلئے مقرر کرنے کی بھی استدعا کی ہے۔
خیال رہے کہ اسلام آباد ہائیکورٹ کے جسٹس بابر ستار نے آج چیئرمین پی ٹی اے کو عہدے سے ہٹانے کا فیصلہ دیا تھا۔
Leave a Reply