امریکی جریدے بلوم برگ نے انکشاف کیا کہ بھارتی وزیراعظم نریندر مودی امریکی صدر ڈونلڈ ٹرمپ سے کترانے لگے ہیں، مودی ایسے بین الاقوامی ایونٹ مس کرنے لگے جہاں ڈونلڈ ٹرمپ سے ملاقات ہوسکتی ہے۔
بلوم برگ کے مطابق مودی کو خدشہ ہے کہ ٹرمپ ان کی موجودگی میں میڈیا کے سامنے پھر پاک بھارت جنگ بندی پر بولیں گے۔ کہیں گے جنگ بندی انہوں نے کرائی، جب کہ بھارت یہ بات ماننے کو تیار نہیں۔
بلوم برگ نے رپورٹ میں بتایا کہ مودی کو لکتا ہے کہ ٹرمپ کا بے لاگ انداز انہیں شرمندگی سے دوچار کرے گا اور مودی ریاست بہار کے اہم الیکشن کے موقع پر یہ رسک نہیں لینا چاہتے۔
بلوم برگ کے مطابق مودی نے ملائیشیا میں آسیان سربراہی اجلاس میں بھی اسی لیے شرکت نہیں کی تھی۔
ٹرمپ اب تک 50 سے زیادہ بار کہہ چکے ہیں کہ پاک بھارت جنگ بندی انہوں نے کرائی ہے۔ جب کہ مودی نے بھارتی اپوزیشن کے شدید دباؤ، طنز اور بزدلی کے طعنوں کے باوجود اس موضوع پر لب سیے ہوئے ہیں۔
بلوم برگ نے لکھاکہ مودی کے برعکس پاکستان نے نہ صرف تسلیم کیا ہے کہ جنگ بندی ٹرمپ نے کروائی بلکہ اسی لیے ٹرمپ کو نوبیل امن انعام کے لیے نامزد بھی کیا۔
جواب میں ڈونلڈ ٹرمپ کئی بار وزیراعظم شہباز شریف اور فیلڈ مارشل عاصم منیر کو ‘عظیم شخصیات’ کہہ کر سراہ چکے ہیں۔
Leave a Reply