وزیراعظم شہباز شریف نے نئے مالی سال کے پہلے ہی مہینے میں پاکستان کی برآمدات 2 ارب 70 کروڑ ڈالرز تک پہنچنے پر اطمینان کا اظہار کردیا۔
وزیراعظم شہباز شریف نے ایک ماہ میں برآمدات میں 9 فیصد اضافے کو انتہائی تسلی بخش قرار دیتے ہوئےکہا کہ عالمی مالیاتی اداروں کی جانب سے پاکستان کی کریڈٹ ریٹنگز میں بہتری پاکستان کی معیشت میں استحکام کی عکاسی کرتی ہے۔
وزیراعظم نےکہاکہ پاکستان اسٹاک ایکسچینج ہنڈریڈ انڈیکس نے ایک لاکھ 45 ہزار کی حد عبور کرکے حالیہ دنوں میں تاریخی کارکردگی دکھائی۔
انہوں نےکہا کہ حکومت کی بہترین معاشی پالیسیوں اور ترجیحات کی بدولت معاشی اشاریے درست سمت میں گامزن ہیں، حکومت برآمدات میں اضافے، سرمایہ کاری کے فروغ اور کاروبار دوست ماحول کی فراہمی کے لیے کوششیں کررہی ہے۔
وزیراعظم کا کہنا تھا کہ برآمدات پر مبنی ترقی حکومت کی اولین ترجیح ہے، فیس لیس کسٹم اسسمینٹ سسٹم کے نفاذ سے پورٹ آپریشنز میں مزید بہتری لارہے ہیں۔
Leave a Reply