وزیراعلیٰ پنجاب مریم نواز نے میو اسپتال لاہور میں پاکستان کے جدید ترین کو آبلیشن کینسر ٹریٹمنٹ سینٹر کا افتتا ح کردیا۔
لاہور میں تقریب سے خطاب میں مریم نواز کا کہنا تھا کہ کینسر کے علاج کے لیے جدید ٹیکنالوجی سب سے پہلے پنجاب میں متعارف کروائی ہے، یہ ٹیکنالوجی بھارت میں بھی نہیں ہے۔
مریم نواز کا کہنا تھا کہ 2 مریضوں کا جدید ٹیکنالوجی سےکامیاب آپریشن کیا جاچکا ہے، جدید ٹیکنالوجی سے کینسر کے مریضوں کےلیے امید کی کرن پیدا ہوئی ہے، چین کے دورے پر اس ٹیکنالوجی کا معائنہ کیا اور مشینری پاکستان لانے کی ہدایات کی، کینسر کے مختلف اقسام کے علاج کےلیے مزید مشینری لا رہے ہیں۔
وزیراعلیٰ پنجاب کا کہنا تھا کہ کینسر کے مریضوں کو علاج کی جدید سہولتوں کی فراہمی ترجیح ہے،کینسر کے علاج کی تربیت کے لیے پاکستانی ڈاکٹروں کو چین بھجوایا،مستحق مریضوں کا کینسر کا علاج 100 فیصد فری ہوگا، مستحق مریضوں کے علاج کے اخراجات حکومت ادا کرےگی۔
Leave a Reply