پشاور: خیبر پختونخوا کے ضلع لوئر دیر میں مکان کی چھت گرنے سے 5 افراد جاں بحق ہوگئے۔
جیونیوز کے مطابق یہ افسوسناک حادثہ لوئر دیر کے علاقے میدان میں پیش آیا جہاں ایک مکان کی چھت گرنے سے ایک بچی سمیت 5 افرادجاں بحق ہوگئے۔
ریسکیو حکام کا بتانا ہے کہ حادثے میں 3 افراد زخمی بھی ہوئے جنہیں طبی امداد کے لیے اسپتال منتقل کردیا گیا ہے۔
ریسکیو حکام کے مطابق مکان کی چھت گرنے کی وجہ تاحال معلوم نہیں ہوسکی۔
Leave a Reply