پاکستانی سپر اسٹارز ماہرہ خان اور فواد خان نے جیو پوڈکاسٹ میں کافی دلچسپ موضوعات پر گفتگو کی۔
ماہرہ اور فواد دونوں ہی ان دنوں اپنی فلم نیلوفر کی نمائش میں مصروف ہیں جو اب ریلیز ہو چکی ہے۔
جیو پوڈکاسٹ میں میزبان مبشر ہاشمی نے فواد خان سے ان کی وائرل تصویر سے متعلق سوال کیا جو 1998 کی تصویر ہے۔
میزبان نے پوچھا یہ تصویر شاید اس وقت کی ہے جب آپ آٹھویں جماعت میں تھے، آپ نے اس پر پیغام دیا ہوا ہے کہ اس وقت تک محنت کرو جب تک آپ کا نام کتابوں میں نہ آجائے، تو کیا یہ سچ ہے ؟ آپ نے یہ اسکول میں کہا تھا؟
جواب میں فواد نے کہا اس کہ پیچھے دلچسپ کہانی ہے، اس وقت کلاس کے بچوں کی تصاویر لی جا رہی تھیں اور سب نے اپنا اپنا کوئی کوٹ تحریر کرنا تھا، کوئی ایسے الفاظ جو یادگار رہیں، مجھے سمجھ نہیں آرہا تھا میں کیا لکھوں۔
انہوں نے کہا اس وقت کوئی سوشل میڈیا کا زمانہ نہیں تھا کہ انسان دیکھے یہ الفاظ ٹھیک ہیں یا نہیں، میری پسندیدہ ایک فلم ہے، یہ الفاظ اس فلم کے تھے، اس میں بھی ایسی باتیں کی جاتی تھیں۔
پوڈکاسٹ میں گفتگو کرتے ہوئے ماہرہ خان کا کہنا تھا کہ جب بھی کوئی فلم آنے والی ہوتی ہے تو دباؤ محسوس ہوتا ہے لیکن یقین ہوتا ہے کہ فلم اچھی رہے گی کیونکہ ہم نے محنت کی ہوئی ہوتی ہے۔
Leave a Reply