پاکستان تحریک انصاف کے بانی عمران خان کی بڑی بہن روبینہ خان نے پی ٹی آئی رہنما ذلفی بخاری پر سنگین الزامات لگا دیے۔
اپنے بیان میں روبینہ خان کا کہنا تھاکہ اسٹیبلشمنٹ کی جانب سے ذلفی بخاری کوایک متفقہ پی ٹی آئی لیڈرکے طورپرلانچ کیا جارہا ہے اور کئی مہینے منظر سے غائب رہنے کے بعد کیا یہ دھوکے باز آدمی اب وژن فراہم کرے گا؟
انہوں نے کہا کہ ذلفی بخاری نے سیاحت اور پارٹی ترجمانی کے دوران کوئی کارکردگی نہیں دکھائی، یہ بین الاقوامی مشیرکے طورپرگھسے پٹے بیانات دیتا تھا جن میں کوئی ٹھوس بات نہیں ہوتی۔
ان کا کہنا تھاکہ ذلفی بخاری انسانی حقوق کیس میں ناکام ہوا، فیصلے کے بعد کوئی سفارتی حکمت عملی نہ بنائی، ہرشخص کو یہ سوال اٹھانا چاہیے کہ یہ اصل میں کس کیلئے کام کررہا ہے۔
روبینہ خان نے الزام لگایاکہ یہ بات طے ہے کہ وہ بانی پی ٹی آئی کیلئے کام نہیں کررہا۔
ان کا مزید کہنا تھاکہ میں نے پوچھا برطانیہ میں پاکستان میں انسانی حقوق کی خلاف ورزیوں پرزیادہ کوریج کیوں نہ حاصل کرسکے؟ اس پر ذلفی نے کہا برطانیہ میں بانی پی ٹی آئی میں کوئی دلچسپی نہیں ہے، یہ2023 کی بات ہے۔
دوسری جانب ذلفی بخاری کے قریبی ذرائع نے روبینہ خان کے الزامات کو بے بنیاد قرار دے کرمسترد کردیا۔
Leave a Reply