اسلام آباد: انسداد دِہشتگردی عدالت نے 26 نومبر احتجاج کیس میں 50 پی ٹی آئی رہنماؤں کے وارنٹ گرفتاری جاری کردیے۔
اسلام آباد کی انسداد دہشتگردی عدالت کے جج ابوالحسنات ذوالقرنین نے پی ٹی آئی رہنماؤں کے وارنٹ گرفتاری جاری کیے۔
عدالت نے عارف علوی، عمر امین گنڈاپور، اسد قیصر، حماد اظہر، عاطف خان، عبدالقیوم نیازی، شبلی فراز، فیصل جاوید اور سلمان اکرم راجہ کے وارنٹ جاری کیے۔
اس کے علاوہ عدالت نے رؤف حسن، مراد سعید، احمد نیازی، شعیب شاہین، اعظم خان سواتی، عمر ایوب، صاحبزاہ حامد رضا، علیمہ خان، شیخ وقاص اکرم، کنول شوزب، شاندانہ گلزار اور شیرافضل مروت کے وارنٹ گرفتاری بھی جاری کیے۔
پی ٹی آئی رہنماؤں کے وارنٹ تھانہ کراچی کمپنی میں درج 2 مقامات میں جاری کیے گئے ہیں۔
تھانہ کراچی کمپنی کی پولیس کی جانب سے وارنٹ گرفتاری جاری کرنےکی استدعا کی گئی تھی۔
Leave a Reply