پاکستانی اداکار و ہدایتکار یاسر حسین نے معاشرے میں ہونے والی بڑے پیمانے پر عالیشان شادیوں کے خلاف آواز بلند کی ہے۔
حال ہی میں ایک شو کے دوران گفتگو کرتے ہوئے یاسر حسین نے کہا شادی کو اتنا مشکل نہ بنائیں، شادی بہت آسان چیز ہے، نکاح کریں کھانا کھلائیں اور بس۔
انہوں نے کہا کہ 5 ، 6 تقریبات میں نہ پڑیں، یہ بڑا ظلم ہے، میں نے دیکھا ہے میرے کچھ دوستوں یاروں کی شادیاں ہونے والی ہیں، ان کے چہرے خرچے کی وجہ سے بجھ گئے ہیں۔
اداکار کا کہنا تھا کہ شادی ہورہی ہے، انسان خوش ہوتا ہے لیکن پیسوں کی وجہ سے وہ اتنے بجھے بجھے گھوم رہے ہیں۔
شو میں موجود ساتھی اداکار فیصل قریشی نے کہا کہ آج کل عام سے عام شادی 50 لاکھ روپے تک ہورہی ہے۔
اس پر یاسر حسین نے کہا 50 لاکھ میں تو اچھا بھلا بزنس ہوسکتا ہے، دو ملک گھومے جاسکتے ہیں، کہیں کوئی اپارٹمنٹ خرید سکتے ہیں۔
Leave a Reply