پاکستان کی آٹو موبائل انڈسٹری سے وابستہ معروف شخصیت سنیل منج نے اپنے منفرد نام سے متعلق بتایا ہے کہ ان کا نام بالی وڈ کی ایک معروف شخصیت کے نام پر رکھا گیا ہے۔
سنیل منج جیو پوڈ کاسٹ میں شریک ہوئے جس میں انہوں نے مختلف موضوعات پرگفتگو کی۔
اپنے منفرد نام کے حوالے سے پوچھےگئے سوال پر سنیل منج نے بتایا کہ سنیل ہندی زبان کا لفظ ہے جس کا مطلب ہے سندر اور سشیل۔
سنیل منج نے بتایا کہ ان کا نام بالی وڈ کے معروف اداکار سنیل دت سے متاثر ہوکر رکھا گیا تھا، ان کا نام دادی نے رکھا تھا۔
سنیل منج کا کہنا تھا کہ مجھے اپنا نام بہت پسند ہے حالانکہ پاکستان میں میرے نام کی وجہ سے اکثر مزاحیہ واقعات ہوتے رہتے ہیں۔ سنیل سن کر کوئی کہتا ہے شاید مسلمان نہیں ہے، پورا نام سنیل سرفراز منج پڑھتے ہیں تو سمجھ آجاتا ہے ورنہ لوگ سنیل اور منج پڑھ کر سمجھتے ہیں کہ یہ ہندو ہے اور شاید بھارت سے آیا ہے۔
Leave a Reply