قطر کے دارالحکومت دوحہ میں پاکستان اور افغانستان کے وفود کے درمیان مذاکرات جاری ہیں۔
سفارتی ذرائع کے مطابق مذاکرات کی میزبانی قطری انٹیلی جنس چیف عبداللہ بن محمد الخلیفہ کررہے ہیں اور پاکستان افغانستان سے دہشتگرد گروپوں کی دراندازی کے ایک نکاتی ایجنڈے پر بات کررہا ہے۔
سفارتی ذرائع نے بتایاکہ پاکستان کی طرف سے وزیر دفاع خواجہ آصف وفد کی سربراہی کررہے ہیں اور پاکستانی سکیورٹی حکام بھی وزیر دفاع کی معاونت کررہے ہیں۔
سفارتی ذرائع کے مطابق افغانستان کی طرف سے وزیر دفاع ملا یعقوب وفد کی سربراہی کررہے ہیں ، افغان انٹیلی جنس چیف بھی افغان وفد میں شامل ہیں۔
یاد رہے کہ گزشتہ روز قطر میں پاکستان اور افغان طالبان رجیم کے درمیان ہونے والے مذاکرات میں سرحدی کشیدگی میں دوحہ مذاکرات تک سیز فائر پر اتفاق کیا گیا تھا۔
Leave a Reply