جنگ بندی کے باوجود 24 بھارتی ائیرپورٹ بند، 300 پروازیں منسوخ

امرتسر، سرینگر، جموں، لداخ، دھرم شالا،شملہ، آدم پور، چندی گڑھ سمیت مختلف شہروں میں آج بھی تمام پروازیں منسوخ کردی گئی ہیں/ فائل فوٹو

نئی دہلی: پاکستان اور بھارت کے درمیان جنگ بندی ہونے کے باوجود 24 بھارتی ائیرپورٹس تاحال بند ہیں۔

تفصیلات کے مطابق دونوں مملک میں جنگ بندی کے باوجود 24 بھارتی ائیرپورٹ آج بھی بند ہیں اور 300 پروازیں منسوخ ہوچکی ہیں۔

رپورٹ کے مطابق امرتسر، سرینگر، جموں، لداخ، دھرم شالا،شملہ، آدم پور، چندی گڑھ سمیت مختلف شہروں میں آج بھی تمام پروازیں منسوخ کردی گئی ہیں۔

پاک بھارت کشیدگی اور جنگ بندی

خیال رہے کہ پہلگام حملے کے بعد بھارت کی جانب سے کی جانے والی جارحیت پر پاکستان نے منہ توڑ جواب دیا اور آپریشن بُنْيَان مَّرْصُوْص ( آہنی دیوار) کے دوران بھارت میں 10 سے زائد اہداف کو نشانہ بنایا۔

آدم پور، ادھم پور، بٹھنڈا، سورت گڑھ، مامون، اکھنور، جموں، سرسہ اور برنالہ کی ائیر بیسز اور فیلڈز کو تباہ کیا، بھارتی اڑی فیلڈ سپلائی ڈپو، سرسہ اور ہلواڑا ائیر فیلڈز بھی تباہ کیں۔

پاکستانی فتح 1 میزائل سسٹم کے ذریعے متعدد بھارتی اہداف کو نشانہ بنایا، آدم پور میں پاک فوج نے جے ایف 17 تھنڈر سے بھارتی ائیر بیس پر ہائپر سونک میزائل سے ڈیڑھ ارب ڈالر مالیت کا ائیر ڈیفنس سسٹم ایس 400 تباہ کردیا۔

پاکستان کی جوابی کارروائی کے بعد امریکی صدر کی جانب سے دونوں ممالک کے درمیان جنگ بندی کی کوششیں کی گئیں اور 2 پاکستان اور بھارت کی جانب سے بھی جنگ بندی کا اعلان کیا گیا تھا۔

Source link