معروف بھارتی ملیالم اداکارہ لکشمی مینن کو ایک آئی ٹی پروفیشنل کے اغوا اور تشدد کے مقدمے میں بطور مرکزی ملزمہ نامزد کیا گیا ہے۔
بھارتی میڈیا کے مطابق ریاست کیرالہ کے شہر کوچی میں ایک چونکا دینے والا واقعہ پیش آیا جس کی وائرل ویڈیوز نے سوشل میڈیا پر معاملے کو متنازع بنادیا ہے جس کے بعد اداکارہ لکشمی کو مقدمے میں نامزد کیا گیا ہے۔
بھارتی میڈیا کے مطابق کوچی میں بانر جی روڈ پر واقع ایک بار میں جھگڑا شروع ہوا جہاں اداکارہ کے دوستوں اور متاثرہ آئی ٹی ملازم کے درمیان تلخ کلامی ہوئی۔
بعد ازاں متاثرہ نوجوان جب اپنی گاڑی میں واپس گھر کی جانب جا رہا تھا تو ملزمان نے نارتھ برج کے قریب اس کی گاڑی کو روکا اور اسے ہراساں کیا۔
پولیس کا کہنا ہے کہ متاثرہ نوجوان کو زبردستی ایک اور گاڑی میں بٹھا کر نامعلوم علاقے میں لے جایا گیا جہاں اس پر مبینہ طور پر تشدد کیا گیا۔
پولیس نے اس معاملے میں اب تک تین افراد کو گرفتار کیا ہے جن میں اداکارہ کا ایک قریبی دوست بھی شامل ہے۔
Leave a Reply