برازیل میں کوپ 30 کانفرنس کے پویلین میں آگ لگ گئی۔
خبر رساں ایجنسی کے مطابق جمعرات کو برازیل کے شہر Belém میں منعقدہ اقوامِ متحدہ کی موسمیاتی کانفرنس کوپ 30 کے پویلین میں آگ بھڑک اٹھی۔
خبر رساں ایجنسی کا کہنا ہے کہ کانفرنس کے پویلین میں آگ لگنے کی وجہ سے گھبراہٹ میں مبتلا مندوبین باہر کی جانب بھاگنے لگے، ہنگامی امدادی ٹیمیں فوراً موقع پر پہنچیں تاکہ آگ پر قابو پایا جا سکے۔
خبر رساں ایجنسی کے مطابق آگ لگنے کے باعث عمارت کو خالی کرالیا گیا، ہزاروں مندوبین کو فوری مقام سے نکال لیا گیا ہے۔
برازیل کے وزیرِ سیاحت سیلسو سبینو نے کہا ہے کہ آگ پر قابو پا لیا گیا ہے، جس کی وجہ سے مقام کو خالی کرانا پڑا ۔
وزیر نے بتایا کہ اس واقعے میں کسی قسم کی کوئی زخمی ہونے کی اطلاع نہیں ملی۔
خبرایجنسی کے مطابق آگ لگنے کے باعث کوپ 30 کانفرنس کی آج کی تقریبات منسوخ کر دی گئیں۔
Leave a Reply