اسلام آباد: نائب وزیراعظم اور وزیرخارجہ اسحاق ڈار کا ترک وزیرخارجہ حاقان فدان سے ٹیلی فونک رابطہ ہوا جس میں دو طرفہ تعاون اور علاقائی و عالمی امور پر تبادلہ خیال کیا گیا۔
ترجمان دفتر خارجہ کے مطابق دونوں وزرائے خارجہ نے غزہ میں سنگین انسانی صورتحال پر اظہار تشویش کیا۔
وزیر خارجہ اسحاق ڈار نے اسرائیل کے مکمل فوجی قبضے کے منصوبے کی شدید مذمت کرتے ہوئے منصوبہ بین الاقوامی قانون اور سلامتی کونسل کی قراردادوں کی کھلی خلاف ورزی قرار دیا۔
ترجمان دفتر خارجہ کے مطابق وزیر خارجہ اسحاق ڈار نے غزہ کو بلاتعطل انسانی امداد کی فراہمی اور اسرائیلی استثنا ختم کرنے پر بھی زور دیا۔
Leave a Reply