شدید گرم موسم قربانی کے جانوروں میں امراض پھیلانے کا باعث بننے لگا ہے۔
لاہور میں لاہور میں گرمی اور شہریوں کی لاپرواہی سے قربانی کے جانوروں میں بیماریاں پھیلنے لگی ہیں۔
دو ہفتوں کے دوران ساڑھے 3 ہزار جانور بخار، کھانسی، نزلہ اور چچڑ میں مبتلا ہو کر ویٹرنری اسپتال پہنچے ہیں۔
لاہور میں جانوروں کے لیے قائم سرکاری اسپتال کی ایمرجنسی میں روزانہ ڈھائی سو کے قریب چھوٹے بڑے مویشیوں کو لایا جا رہا ہے۔
یہ مویشی نزلہ، زکام، بخار، کھانسی، ڈائریا اور دیگر بیماریوں کا شکار ہیں۔
شہریوں کہنا ہے کہ قربانی کے جانور اچانک بیمار پڑ گئے، اس لیے اسپتال لانا پڑا۔
طبی ماہرین کا کہنا ہے کہ مویشیوں کو دیگر بیمار جانوروں کے ساتھ اور تنگ جگہ پر رکھنے کی وجہ سے بیماریاں پھیل رہی ہیں۔
انہوں نے بتایا کہ چارے کے بجائے روٹیاں، برگر، پیزا اور تربوز وغیرہ کھلانے سے بھی قربانی کے جانور بیمار ہو رہے ہیں۔
طبی ماہرین کا کہنا ہے کہ جانوروں میں چچڑ کی بیماری بھی عام ہے، منڈی سے جانور لیتے وقت ان کے جسم پر ہاتھ پھیریں اور کان ضرور چیک کریں۔
ویٹرنری اسپتال انتظامیہ کا کہنا تھا کہ جانوروں کے لیے 24 گھنٹے مفت علاج کی سہولت کے ساتھ ساتھ ادویات بھی فراہم کی جا رہی ہیں جبکہ جانوروں کے لیے ایمبولینس کا بھی انتظام ہے۔
Leave a Reply