بھارت کے معروف اور مہنگے ترین میزبان کپل شرما ایک بار پھر ’دی گریٹ انڈین کپل شرما ‘ شو کے تیسرے سیزن میں انٹری کے ساتھ ہی خبروں میں ہیں اور اس مقبو لیت کی ایک وجہ کپل شرما کا فی قسط معاوضہ 5 کروڑ بھارتی روپے بھی ہے ۔
دی گریٹ انڈین کپل شو کا سیزن 3 گزشتہ ماہ 21 جون سے نشر کیا گیا تھا ، شو میں نوجوت سنگھ سدھو کی واپسی دیکھی گئی اور نوجوت کے ساتھ ارچنا پورن سنگھ بھی شوکا حصہ ہیں۔
بھارتی میڈیا رپورٹس کے مطابق کپل شرما شو میں فی قسط 5 کروڑ روپے معاوضہ وصول کرتے ہیں لیکن کیا آپ جانتے ہیں کہ کپل شرما اپنے شو کے تیسرے سیزن میں بھی پہلے سیزن جتنا معاوضہ ہی وصول کررہے ہیں، کپل شرما نے اپنے شو کے پہلے سیزن کی 13 اقساط کیلئے تقریباً 65 کروڑ روپے معاوضہ وصول کیا تھا۔
بھارتی میڈیا کے مطابق کپل شرما نے سیزن 2 کے دوران بھی اتنا ہی معاوضہ ( 65 کروڑ ) وصول کیا تھا جب کہ کپل کیلئے سیزن 3 کی فیس میں کوئی تبدیلی نہیں کی گئی ہے، اگر یہ شو اسی رفتار سے جاری رہا تو کپل کی ان 3 سیزن کی مجموعی آمدنی 195 کروڑ بھارتی روپے تک پہنچ جائے گی۔
یاد رہے کہ کپل شرما نے 2013 میں’ کامیڈی نائٹس ود کپل’ سے اپنے شو کا آغاز کیا جس کے بعد وہ 2016 سے 2023 تک ‘دی کپل شرما شو’ سے عوام کی توجہ حاصل کرتے رہے اور شو کا تیسرا سیزن گزشتہ ماہ جون 2025 سے جاری ہے۔
اس کامیڈی پروگرام میں بالی وڈ کے ستارے اپنی فلموں کی پروموشن کیلئے آتے ہیں جہاں ان سے مزاحیہ گپ شپ کے ساتھ کچھ کھیل بھی کھیلے جاتے ہیں۔
Leave a Reply