مفکرِپاکستان ڈاکٹر علامہ محمد اقبال کے147ویں یومِ ولادت آج ملک بھر میں ادب و احترام سے منایا جا رہا ہے۔
علامہ اقبال کے یوم ولادت کے موقع پر انہیں خراجٍ عقیدت پیش کرنے مزارِ اقبال پر ایک پرُ وقار تبدیلیٔ گارڈ کی تقریب منعقد کی جا رہی ہے۔
پاک بحریہ کا چاق و چوبند دستہ اعزازی گارڈ کے فرائض سنبھالے گا جبکہ پاکستان رینجرز پنجاب کا دستہ مزار پر اپنے فرائض سے سبکدوش ہو کر رخصت ہوگا۔
پاکستان نیوی کے کمانڈر سینٹرل پنجاب ریئر ایڈمرل اظہر محمود گارڈ میں شامل پاکستان رینجرز اور پاک بحریہ کے دستوں کا معائنہ کریں گے.
گارڈز کی تعیناتی کے بعد قومی شاعر کے مزار پر امیرالبحر ایڈمرل نوید اشرف، پاک بحریہ کے افسران، سیلرز اور نیوی سویلینز کی جانب سے پھولوں کی چادر چڑھائی جائے گی۔
پاکستان نیوی کے کمانڈر سینٹرل پنجاب ریئر ایڈمرل اظہر محمود تقریب کے مہمان خصوصی ہیں۔
Leave a Reply