وفاقی وزیر توانائی اویس لغاری کی ڈیرہ غازی (ڈی جی خان) خان میں لیپ ٹاپ تقسیم کی تقریب کے دوران طلبا نے جانبداری کا الزام لگاتے ہوئے یونیورسٹی انتظامیہ کے خلاف احتجاج کیا۔
ڈیرہ غازی خان آرٹس کونسل میں غازی یونیورسٹی کے طالب علموں میں وزیر اعظم اسکیم کے تحت لیپ ٹاپ تقسیم کرنے کی تقریب سے خطاب کرتے ہوئے وفاقی وزیر برائے توانائی اویس لغاری نےکہا کہ لیپ ٹاپ بغیر سیاسی وابستگی کے میرٹ پر دیے جارہے ہیں۔
ان کا کہنا تھا کہ نوجوانوں پر فوکس کا مطلب یہ ہر گز نہیں کہ ان کو بانی پی ٹی آئی سے ہٹا کر اپنی طرف لانا ہے، بلکہ نوجوان ہی ہیں جو مستقبل کے ملک و قوم کے معمار بنیں گے۔
اس موقع پر طلبا نے احتجاجاً آرٹس کونسل کا مین گیٹ بند کردیا جس پر وفاقی وزیر اویس لغاری متبادل راستے سے تقریب سے باہرگئے۔
یونیورسٹی وائس چانسلر نےکہا ہےکہ احتجاج کرنے والے طلبا میرٹ پرپورانہیں اترے، اس لیے انہیں لیپ ٹاپ نہیں دیے۔
Leave a Reply